Comisiynu Ama a Stephen ar gyfer Cyhoeddiadau Arwyddocaol Newydd
Gan fod Deddf Caffael 2023 wedi cael Cydsyniad Brenhinol, a bod Rheoliadau bellach yn cael eu gosod gerbron Senedd y DU cyn eu rhoi ar waith ym mis Hydref 2024, mae academyddion y Gyfraith Dr Ama Eyo, Uwch Ddarlithydd mewn Caffael Cyhoeddus, a Mr Stephen Clear, Darlithydd mewn Cyfraith Gyfansoddiadol a Gweinyddol, wedi derbyn comisiwn i weithio ar ddau lyfr yn y maes hwn.
Bydd Dr Ama Eyo, Uwch Ddarlithydd mewn Caffael Cyhoeddus, a Mr Stephen Clear, Darlithydd mewn Cyfraith Gyfansoddiadol a Gweinyddol, yn ymuno â thîm yr awduron i weithio ar 4ydd argraffiad Saesneg English Law of Public and Utilities Procurement. Gan gydweithio â’r Athro Sue Arrowsmith KC (Anrh) a’r Athro Luke R. A. Butler, bydd Ama a Stephen yn ysgrifennu dadansoddiadau o Ddeddf Partneriaeth Gymdeithasol a Chaffael Cyhoeddus 2023 Cymru, yn enwedig mewn perthynas â Deddf Llesiant Cenedlaethau’r Dyfodol (Cymru) 2015.
Yn ogystal, mae Ama a Stephen wedi derbyn comisiwn pellach gan Thomson Reuters i ail-ysgrifennu eu llyfr rhydd, Public Procurement law and Practice.
Mae’r ymrwymiadau ymchwil a’r comisiynau hyn yn dangos pa mor arwyddocaol yw Ama a Stephen yn yr agwedd benodol hon ar astudiaethau’r Gyfraith. Yn wir, bydd eu cyfraniadau a’u cyhoeddiadau yn fuddiol iawn mewn sawl ffordd ac yn bwydo i mewn i’r trafodaethau sy’n datblygu ynghylch datblygiadau cyfreithiol diweddar, gan gynnwys Deddf Caffael 2023 sy’n cael ei rhoi ar waith ym mis Hydref 2024.
Da iawn, Ama a Stephen!
