�����鶹Ӱ����Ƶ

Bydd y modiwl hwn yn edrych ar y tair elfen graidd o farchnadoedd cyfalaf a rheoli’r trysorlys fel a ganlyn: rheoli hylifedd a marchnadoedd cyfalaf, rheolaeth ariannol a rheoli risg a gweithrediadau’r trysorlys. Bydd myfyrwyr yn edrych ar y damcaniaethau a'r elfennau allweddol sy'n sail i bob adran. I ddechrau, bydd myfyrwyr yn archwilio'r cyd-destun ar gyfer rheoli arian parod a hylifedd rhyngwladol megis systemau ariannol a bancio a gwerth yr arian mewn amser. Byddant wedyn yn symud ymlaen i drafod cysyniadau craidd megis ecwiti a dyled a’r dulliau sydd ar gael ar gyfer codi arian yn y marchnadoedd cyfalaf. Drwy gydol yr adrannau nesaf bydd myfyrwyr yn gwerthuso dulliau pellach o godi cyfalaf; dadansoddi marchnadoedd bond a statws credyd ac edrych ar hanfodion prisio ecwiti. Bydd yn datblygu dealltwriaeth o reoli risg a’r fframwaith ar gyfer rheoli risgiau ariannol cyn cloi gyda dadansoddiad manwl o swyddogaeth y trysorlys, ei drefniadaeth, polisïau, amcanion a rheolaethau.

Nodau ac Amcanion

On completing this module students will be able to:

• Ar ôl cwblhau’r modiwl hwn, bydd y myfyrwyr yn gallu gwneud y canlynol:

• Egluro'r cyd-destun ar gyfer rheoli arian parod a hylifedd

• Egluro mecanweithiau marchnadoedd arian a'r marchnadoedd cyfnewid tramor

• Egluro mecanwaith codi arian yn y marchnadoedd dyled ac ecwiti

• Gwneud cyfrifiadau sy'n ymwneud â phrisio bondiau, cynnyrch a hyd

• Dadansoddi defnyddiau, rhinweddau a pherfformiad statws credyd

• Trafod dulliau o brisio ecwiti a materion yn ymwneud â pholisi difidend

• Gwneud cyfrifiadau sy’n ymwneud â chreu portffolio amrywiol a risg systematig

• Egluro nodweddion offer rheoli risg generig

• Gwneud cyfrifiadau sy'n ymwneud â rheoli risg cyfraddau llog a chyfraddau cyfnewid

• Egluro prif nodweddion ac amcanion gweithrediadau'r trysorlys

Dulliau Dysgu

Wybodaeth arall

Testun Allweddol:

Finance and Financial Markets (4th Edition) Pilbeam, K - Palgrave Macmillan

Dull Asesu:

Asesir y modiwl hwn trwy gyfrwng un project bach 3,500 o eiriau 

Beth fyddwch chi’n ei astudio ar y cwrs yma?

Mae Uned Un yn ymdrin â’r canlynol:

Mae’r uned hon yn archwilio'r cyd-destun ar gyfer rheoli hylifedd megis systemau ariannol a bancio a gwerth yr arian mewn amser. Mae'n cyflwyno offer craidd a ddefnyddir yn y trysorlys megis marchnadoedd arian a'r marchnadoedd cyfnewid tramor. Mae'r uned hefyd yn edrych ar gysyniadau craidd ecwiti a dyled ac yn cyflwyno dulliau o godi arian yn y marchnadoedd cyfalaf. Felly mae hefyd yn darparu sylfaen ar gyfer deunydd a drafodir yn Unedau 2 a 3.

Mae Uned Dau yn ymdrin â’r canlynol:

Mae’r uned hon yn rhoi sylw manwl i agweddau pwysig ar y marchnadoedd cyfalaf (dyled/ecwiti neu farchnadoedd bond/stoc) ac yn adeiladu ar sylfeini Uned 1. Yng nghyd-destun y marchnadoedd bondiau, rydym yn ystyried meysydd cyfoes cyfredol (e.e. statws credyd, yr argyfwng dyled sofran Ewropeaidd) ac nid oes llawer o'r deunydd hwn ar gael mewn gwerslyfrau. Mae'r pynciau hyn yn adlewyrchu arbenigedd ymchwil Ysgol Busnes Bangor. Yng nghyd-destun y marchnadoedd ecwiti, rydym yn canolbwyntio i ddechrau ar brisio ecwiti a swyddogaeth polisi difidend. Yn olaf, rydym yn ymdrin ag egwyddorion risg, enillion, creu portffolio amrywiol a modelau prisio asedau.

Mae Uned Tri yn ymdrin â’r canlynol:

Mae'r uned hon yn edrych ar gysyniadau ac offer rheoli risg ac yn ystyried y cymhellion ar gyfer ymddiogelu gan fanciau. Awn ymlaen i drafod technegau rheoli risg generig a swyddogaethau offerynnau deilliad ariannol. Mae banciau masnachol yn wynebu rhestr hir o ffynonellau risg posibl ac felly llawer o risgiau y mae angen eu rheoli. Yn yr uned hon, byddwn yn canolbwyntio ar reoli tri math o risg, sef risg cyfradd llog, risg cyfnewid tramor a risg credyd. Yn yr isadran olaf, ein nod yw tynnu ynghyd nifer o faterion allweddol o fewn y maes llafur sy'n berthnasol i swyddogaethau trysorlys banciau a rheoli’r trysorlys.

Cost y cwrs hwn yw £1,700

Wedi'i anelu at weithwyr proffesiynol yng nghanol eu gyrfa sy'n gweithio yn y diwydiant ariannol neu reoleiddio. Rhoddir ystyriaeth i fynediad i unigolion sydd ag ychydig iawn o brofiad neu gymwysterau.

Gofynion Iaith Saesneg:

Rhaid i ymgeiswyr fod â lefel uchel o ruglder yn yr iaith Saesneg. Os nad Saesneg yw eich iaith frodorol, rhaid i chi ddarparu tystiolaeth foddhaol bod gennych wybodaeth a dealltwriaeth ddigonol o Saesneg ysgrifenedig a llafar:

• IELTS: 6.0 (heb unrhyw elfen o dan 5.5)
• Pearson PTE: sgôr o 56 (heb unrhyw elfen yn is na 51)
• Prawf Saesneg Caergrawnt – Uwch: 169 (heb unrhyw elfen yn is na 162)

Sut i wneud cais

Gwnewch yn siŵr eich bod yn darllen ac yn dilyn y canllaw cais cam wrth gam gan y bydd hyn yn nodi pa adrannau o'r ffurflen gais sy'n orfodol ar gyfer y math o gwrs rydych am wneud cais amdano ac arbed amser i chi.

Paratowch y wybodaeth ganlynol (mewn dogfen Word):

• Manylion cyflogaeth cyfredol;
• Blynyddoedd o brofiad, a hanes cyflogaeth (lle bo hynny'n berthnasol)
• Enw'r aelod staff a'r sefydliad sydd wedi cymeradwyo eich cyllid ar gyfer y modiwl hwn.

Bydd hyn yn cyflymu'r broses o lenwi'r ffurflen gais.